Францускиот интернационалец Пол Погба не е веќе во трансферните планови на Реал Мадрид, пренесува весникот „Марка“. Според шпанскиот медиум, „кралскиот клуб“ се откажал од трката за фудбалерот за врска на Манчестер Јунајтед поради неговите огромни финансиски барања.
Погба ќе биде слободен агент по завршувањето на сезоната, но и покрај тоа бара огромна плата, како и голема провизија за неговиот агент Мино Раиола.
Оваа сезона Пол Погба одигра 13 натпревари за Манчестер Јунајтед, на кои имаше седум асистенции. Тој е повреден и ќе паузира до крајот на оваа календарска година.
