Реал Мадрид и Милан со меѓусебен дуел ги започнаа натпреварите од својата претсезонска турнеја во САД. Двата гиганти на европскиот фудбал одиграа одличен натпревар на стадионот „Роуз Боул“ во Пасадена, Калифорнија, кој заврши со триумф од 3-2 за „кралевите“.
Головите ги постигнаа Фикајо Томори (26′) и Лука Ромеро (42′) за Милан, а Валверде (58′, 59′) и Винисиус Жуниор (84′) за Реал Мадрид.
Натпреварот започна во неочекувано мирно темпо. Сепак, Милан подобро се снајде и поведе со головите на Фикајо Томори и на Лука Ромеро.
На полувремето двете екипи ги заменија сите свои играчи и ја продолжија пресметката со комплетно нови играчи. Валверде постигна два брзи гола за помалку од 60 секунди по еден час за израмнување на резултатот.
Така беше сѐ до 84. минута, кога Лука Модриќ со брилијантен центаршут го пронајде Винисиус Жуниор кој по третпат ја испрати топката во голот на Милан.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski