Реал Мадрид оствари победа (3-2) против Селта на „Бернабеу“ и сега повторно има четири бода негатива во однос на лидерот Барселона, пред ЕЛ Класико кое се игра следниот викенд.
Арда Ѓулер го отвори резултатот во 33.минута, а девет минути подоцна Килијан Мбапе зголеми на 2-0.
Третиот гол исто така беше дело на Мбапе во 48.минута. Но, по ова како домаќинот да застана, па Селта опасно се приближи. Хавиер Родригез намали на 3-1 во 69.минута, а седум минути подоцна Вилот Сведберг постигна и втор гол. Сепак, Реал успеа да ги освои трите бода.
