Антонио Конте уште еднаш го потврди својот статус на еден од најдоминантните тренери во современиот фудбал. Со најновиот успех и освојувањето на Скудетото со Наполи, тој не само што запиша историски подвиг како првиот стратег што ја освоил Серија А со три различни клуба, туку и го оживеа тимот кој минатата сезона изгледаше далеку од конкурентен за титула.
Титулата со Наполи доаѓа во време кога клубот се наоѓаше во криза – поранешниот шампион заврши на десеттата позиција во минатото првенство, а односите во соблекувалната беа нарушени. Сепак, под водство на Конте, тимот доби нова енергија, дисциплина и менталитет на победници. Со играчи како Лукаку и Мектоминеј, Наполи изгради вистинска сила на теренот, а Конте уште еднаш покажа дека знае како да го извлече максимумот од своите фудбалери.
И покрај триумфот, иднината на Конте во Наполи е неизвесна. Италијанските медиуми, особено „Калчомеркато“, пренесуваат дека тој е многу блиску до враќање во Јувентус – клубот каде што доживеа големи успеси и како играч и како тренер.
Доколку се потврдат шпекулациите, тоа би значело уште една драматична пресвртница во кариерата на Конте, кој повторно би се вратил на клупата на „старата дама“ во потрага по нови трофеи.
