Connect with us

Како ФИФА го „почести“ Нов Зеланд да се пласира на Светското првенство 2026…

Европските квалификации за Светското првенство 2026 година штотуку започнаа, но во останатите зони некои селекции веќе можат да слават и да ги подготвуваат куферите за Мундијалот следната година.

Покрај домаќините САД, Канада и Мексико, своите грижи во квалификациите веќе ги завршија Јапонија, Иран и Аргентина, а сега им се придружи уште една репрезентација.

На Светското првенство 2026 година ќе ја гледаме репрезентацијата на Нов Зеланд.

Нов Зеланд во финалето на океанските квалификации ја победи Нова Каледонија со 3-0 и ја оправда улогата на голем фаворит.

За Нов Зеланд погодија Боксал во 61. минута, Барбароусес во 66. и Џаст во 80. минута од натпреварот.

Може да се каже дека Нов Зеланд е најсреќната репрезентација по одлуката на ФИФА да го прошири Мундијалот од 32 на 48 селекции.

Така, Океанија доби загарантирано место, а тешко дека некој може да му парира на Нов Зеланд, бидејќи сите останати селекции се аматерски, вклучувајќи ја и Нова Каледонија, која играше во финалето.

Нов Зеланд до Мундијалот стигна со три убедливи победи во втората фаза на квалификациите против Тахити, Вануату и Самоа, со гол-разлика 19-1 во трите натпревари.

Потоа, третата фаза на квалификациите донесе завршен турнир (Ф4), каде што Нов Зеланд најпрво го декласираше Фиџи со 7-0 во полуфиналето, а потоа во финалето ја победи Нова Каледонија со 3-0.

Со тоа, Нов Зеланд до Мундијалот стигна со пет победи во пет натпревари и гол-разлика 29-1, што доволно говори за квалитетот на останатите океански селекции. Единствениот гол што го примија беше против Вануату во групната фаза, во победата од 8-1.

За фудбалската репрезентација на Нов Зеланд ова ќе биде втор настап на Мундијалот, по нивниот дебитантски настап на Светското првенство 2010 во Јужна Африка. Тогаш го завршија натпреварувањето во групната фаза со три бода, односно три нерешени натпревари.

Пред нив завршија Парагвај и Словачка, но интересно е што Нов Зеланд ја остави Италија зад себе во групата, што значи дека сè уште немаат пораз на Светско првенство.

Advertisement
Advertisement
Advertisement

Facebook

Тимови