Македонскиот репрезентативец Иван Тричковски се наоѓа меѓу најдобрите стрелци во историјата на Лигата на Европа. Напаѓачот на АЕК Ларнака има постигнато 23 гола во ова европско натпреварување и се наоѓа на 17.место на оваа листа, а е во друштво со врвни светски голгетерски имиња.
На врвот на листата е Швеѓанецот Хенрик Ларсон со 40 постигнати гола, пред Клас Јан Хунтелар (34) и Ариџ Адуриз и Радамел Фалкао, кои се на делба на третата позиција со 31 гол. Тука се и имиња како Дитер Милер, Кевин Гамеиро, Алесандро Алтобели, Клаудио Пизаро, Оскар Кардозо…Тричковски има идентични 23 гола како и Јуп Хејнкес, а еден постигнат гол повеќе од легендарниот Јирген Клинсман.
