Италијанскиот калчолигаш Милан најверојатно ќе загуби уште еден квалитетен играч без надомест по Донарума и Чалханоглу. Нема напредок во преговорите околу новиот договор за Френк Кеси, тој бара повеќе пари отколку што може да понуди Милан.
Станува збор за 8 милиони евра и дополнителни 2 милиони евра во бонуси, што е далеку од понудата на Милан.
Интернационалецот од Брегот на Слоновата Коска чека и други понуди, се споменува неизбежниот ПСЖ, како и неколку англиски клубови, пред се Манчестер Јунајтед и Ливерпул, но италијанските медиуми тврдат дека неговата желба е да остане во Италија, каде што игра од својата 17-та година.
Интер тука ја гледа шансата да земе уште еден одличен фудбалер од големиот градски ривал. Бепе Марота ќе се обиде да ги скрати трошоците со продажбата на Санчез, Видал и на Перишиќ, а тоа би ослободило простор во буџетот за Френк Кеси.
Интер исто така го следи исходот и околу Лоренцо Инсиње, кој не наоѓа заеднички јазик со Наполи. Доколку нема договор во наредните неколку месеци, лесно може и тој да заврши на „Џузепе Меаца“.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski