Шведскиот ас Златан Ибрахимовиќ направи операција на коленото поради која ќе отсуствува од терените цели осум месеци. Но, и покрај тоа ветеранот нема намера да стави крај на кариерата.
Сепак, истакна дека имал многу проблеми и во текот на сезоната во која со Милан на крајот го освои и „скудетото“.
„Коленото ми беше отечено шест месеци и не знам дали направив и десет тренинзи со тимот. Пиев лекови за болки секој ден во последните шест месеци. Шест месеци едвај спиев од болки, но се исплатеше. Сега имам нов лигамент и уште еден трофеј“, истакна Златан Ибрахимовиќ.
