Менаџерот на Манчестер Сити, Пеп Гвардиола, побара од раководството на клубот да се вклучи во битката за норвешкиот напаѓач Ерлинг Халанд. Одличниот голгетер на лето ќе ја напушти Германија и ќе го промени клубот, а според пишувањата на медиумите најголеми се шансите да потпише за Реал Мадрид.
Сепак, Гвардиола бара клубот да биде активен и да се обиде да го убеди Халанд да дојде на „Итихад“.
Отштетната клаузула за Халанд следното лето ќе изнесува 75 милиони евра, но вкупната вредност на трансферот ќе достигне и до 250 милиони евра.
Манчестер Сити оваа сезона речиси и да игра без класичен напаѓач. Клубот не успеа да го доведе и Хари Кејн, кој беше прва трансферна цел минатото лето.
