Младата фудбалска репрезентација до 21 година доживеа уште еден пораз, овојпат на домашен терен (0-1) од Грузија. По одличниот старт против Шведска, формата на младиот национален тим е во слободен пад, а Грузијците ни долеаја уште сол на раните.
На слабото прво полувреме се надоврза и погодокот на Маматсашвили во 55.минута. Тој доби топка на работ на шеснаесетникот и со силен шут ја затресе мрежата на Алчевски.
Македонија можеше до израмнување во 87.минута, но Илиевски не ја искористи својата шанса.
Во четвртиот натпревар од квалификациите, младата репрезентација на Македонија до 21 година го доживеа третиот пораз.
