Женската фудбалска репрезентација на Македонија денес (17 часот) го игра третиот натпревар од квалификациите за Европското првенство. Ривал на нашите фудбалерки е селекцијата на Молдавија, против која досега немаат играно.
Избраничките на селекторот Александар Андов важат за фаворитки, со оглед дека Молдавија нема победа на последните девет натпревари.
Македонија во овие квалификации славеше на гостувањето против Летонија и во моментот се наоѓа на второто место во квалификациската група. На првата позиција е Словенија со максимални две победи.
