Женската репрезентација на Македонија до 16 години во периодот од 13 до 18 април ќе учествува на УЕФА меѓународниот развоен турнир што ќе се одржи во Албанија.
Покрај нашата селекција, на контролниот турнир учество ќе земат домаќинот Албанија, Грузија и Бугарија.
Сите натпревари ќе бидат одиграни на тренинг центарот на Фудбалската федерација на Албанија, во Тирана.
Во првото коло, избраничките на селекторот Катерина Милеска ќе играат со Бугарија, на 13. април во 11:30 часот.
Вториот дуел од развојниот турнир го играме на 15. април против Грузија, во истиот термин, од 11:30 часот.
Во последното коло, кое е на програмата на 18. април ќе играме со домаќинот Албанија. Овој натпревар ќе започне во 15. часот.
Селекторот на женската репрезентација на Македонија до 16 години, Катерина Милеска за претстојните натпревари од Уефа развојниот турнир во Албанија, се одлучи да го повика следните фудбалерки:
ГОЛМАНИ:
Ања Стојмиловска – Кочани
Евгенија Вељановска – Скопје
ОДБРАНА:
Арба Мерко – Ас Јунајтед
Лина Мицовска – Кочани
Ихдина Речи – Ас Јунајтед
Ема Нановска – Истатов
Бесарта Фида – Скопје
Блехана Алиевска – Скопје
СРЕДЕН РЕД:
Уна Јосевска – Скопје
Тамара Лазеска – Ас Јунајтед
Сара Димитровска – Скопје
Нина Манасиева – Кочани
Елена Мацевска – Ас Јунајтед
Елиза Ибраими – Ceder Stars Bergen, САД
Ана Марија Цветкоска – Langhus, Норвешка
НАПАД:
Ангела Димовска – Атлетико
Елена Наумоска – Скопје
Ангела Нацева – Schwaben Augsburg, Германија
Марија Велиновска – Фудбал Старс
Розита Пецева – Тиверија
