Македонскиот шампион Шкендија веќе пристигна во Баку, каде во вторник ќе се соочи со Карабах во реваншот од третото коло на квалификациите за Лигата на шампионите.
Иако во првиот натпревар во Скопје тимот од Азербејџан успеа да победи со тесни 0-1, составот на Јетон Беќири сè уште ја чува надежта за големо изненадување и пласман понатаму.
Впечатливото издание во второто полувреме од првиот дуел е дополнителен поттик „црвено-црните“ од првиот свиреж да излезат храбро и офанзивно, со цел да ја превземат контролата врз натпреварот и да го изненадат фаворитот.
