Холандскиот репрезентативец и фудбалер на Баер Леверкузен, Џереми Фримпонг, е на чекор до потпишување договор со Ливерпул. 24-годишниот десен бек веќе се наоѓа во Англија, каде што пристигна со приватен авион по успешно завршените медицински прегледи.
„Црвените“ ја активираа откупната клаузула во неговиот договор со Баер Леверкузен, која изнесува 35 милиони евра.
Овој трансфер доаѓа веднаш по заминувањето на омилениот играч и дете на клубот, Трент Александер-Арнолд, кој официјално го напушти Ливерпул изминатиот викенд.
Со ова засилување, Фримпонг ќе се приклучи на своите сонародници во тимот, Вирџил ван Дајк, Рајан Гравенберх и Коди Гакпо, како и на новиот менаџер Арне Слот, со што Ливерпул добива силно холандско јадро.
Фримпонг уште по завршниот натпревар на Ливерпул оваа сезона даде јасен сигнал за своите намери, кога „лајкна“ објава на клубот на Инстаграм, на која се прикажани тројцата Холанѓани како слават титула на „Енфилд“.
Според медиумите, ова можеби нема да биде последната зделка помеѓу Ливерпул и Баер Леверкузен летово – клубот од Мерсисајд наводно е многу блиску и до трансфер на германскиот офанзивец Флоријан Вирц.
