Франко Фода, селекторот на Австрија, очекјва тежок натпревар против Македонија во Скопје. Максимално ја респектира нашата фудбалска репрезентација и знае колку ќе биде тежок и неизвесен утрешниот меч во Скопје.
„Македонија има компактен состав, но и одлични индивидуалци на чело со Горан Пандев кои на противникот можат да му зададат многу проблеми. Не заслужија да загубат против Полска. Знаеме дека нема да биде лесно во Скопје. Но, ние сме посветени на нашата игра. Македонија умее да одигра сосема различно во зависност од противникот, ги гледав мечевите против Полска и против Летонија“, изјави селекторот на Австрија.
