Фудбалерот на Милан, Алесандро Флоренци, имаше успешна операција на менискусот на левото колено, објави италијанскиот калчолигаш. Тој ќе паузира најмалку еден месец, а тоа значи и дека ќе го пропушти остатокот од сезоната во Серија А.
Минатиот октомври италијанскиот репрезентативец имаше идентична операција на истото колено, но сега мораше уште еднаш да легне под нож.
Милан се бори за освојување на шампионската титула во Серија А и отсуството на Флоренци секако ќе биде хендикеп за тренерот Стефано Пиоли.
