Еден ден по потврдата дека Чаби Алонсо е новиот тренер на Реал Мадрид, германскиот бундеслигаш Баер Леверкузен го објави неговиот наследник, Ерик тен Хаг. Познатиот тренер, најмногу по својот ангажман во Манчестер Јунајтед и претходните негови успеси со Ајакс, потпиша договор со германскиот клуб на две години.
Тен Хаг беше без ангажман откако беше отпуштен од „Олд Трафорд“ точно пред седум месеци.
Холандскиот стратег има искуство во германскиот фудбал, бидејќи помина две сезони како тренер на вториот тим на Баерн Минхен во периодот од 2013 до 2015 година.
