Шпанскиот претставник Вилјареал ќе се обиде да направи уште една сензација и вечерва против Баерн Минхен. Тренерот Унаи Емери знае колку ќе биде тешко уште еднаш да се одолее против тим како Баерн, но верува дека неговите фудбалери се подготвени за чудо.
Вилјареал има предност од 1-0 во пресрет на вечерашниот реванш меч на „Алијанц арена“ во четвртфиналето на Лигата на шампионите.
„Ќе биде многу тешко и мора да одговораме соодветно. Баерн Минен е силен, моќен, на домашен терен. Знаеме дека даваат многу голови пред својата публика, но подготвени сме за предизвикот. Тие и понатаму се фаворити, но ние нема да се браниме“, вели Емери.
Најголемиот успех на Вилјареал е токму пласман во полуфиналната фаза за која ќе се бори на „Алијанц Арена“. Последен пат шпанскиот тим играше меѓу најдобрите четири во сезоната 2005/06, кога испадна од Арсенал.
