Македoнските интернационалци Агон Елези и Стефан Ристовски одиграа одличен меч, се запишаа во листата на стрелците, но нивниот тим Сараево не успеа да победи на домашен терен, играјќи неверојатни 4-4 против Радник.
Елези беше двоен стрелец. Тој погоди во 16.минута, а потоа зголеми и на 2-0 во 52.минута. Следеше голот на Стефан Ристовски, кој упати вистинска „бомба“ кон противничкиот гол.
И кога фудбалерите на Сараево помислија дека сѐ е готово, тогаш Радник направи неверојатен пресврт и постигна четири гола во низа. Чумиќ, Гогиќ, Табаковиќ и Горзи се погрижија резултатот во 85.минута да биде 3-4.
Сараево успеа само да израмни до крајот на 4-4, со голот на Млинариќ.
