Дресот на легендарниот аргентински фудбалер Диего Марадона, со кој играше во четвртфиналето на Светското првенство во 1986 година, ќе биде продаден две години по неговата смрт на аукција, соопшти денеска аукциската куќа „Сотби“.
Марадона на тој натпревар против Англија постигна два гола, од кои еден со рака, а неговата репрезентација победи со 2-1. По натпреварот Марадона го коментираше голот со зборовите „Божја рака“.
Повеќе од 35 години овој дрес со број „10“ беше во сопственост на играчот од средниот ред Стив Хоџ, кој на крајот од натпреварот го замени дресот со Марадона.
Натпреварот важи за еден од најконтроверзните на светските првенства, а Хоџ го остави дресот на Националниот фудбалски музеј во Манчестер.
„Сотби“ ќе го изложи дресот во своите простории во Лондон за време на онлајн аукција, која ќе трае од 20 април до 4 мај. Почетната цена на аукцијата за овој дрес ќе биде четири милиони фунти.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski