Натпреварите од четвртфиналето на Купот на Македонија кои се закажани за утре, ќе бидат одложени. Претстојат денови на жалост во државата поради страшната автобуска трагедија во која загинаа 45 Македонци, а ФФМ ќе донесе официјална одлука откако претходно тоа ќе го стори владата. Седницата на владата се очекува да се одржи во текот на денот.
Утре требаше да одиграат следните куп – натпревари: Шкендија – Струга Трим Лум, Пелистер – Вардар, Силекс – Брегалница, Македонија ЃП – Шкупи.
