Барселона доби позитивен сигнал за состојбата на Рафиња. Бразилското крило учествуваше на тренинг со главната група и направи важен чекор кон целосно закрепнување. Целта беше тој да биде целосно подготвен по паузата за национални тимови и се чини дека ќе биде реализирана.
Рафиња се лекува од повреда на десниот бутен мускул, која ја доби крајот на септември. Се очекуваше да се врати за Ел Класико, но непријатностите за време на тренингот пред натпреварот со Реал Мадрид го натераа медицинскиот тим да го одложи неговото враќање.
Сега, по првото поинтензивно оптоварување со тимот, предвидени се уште три тренинзи пред мечот со Атлетик Билбао, кои ќе покажат дали Бразилецот е подготвен за игра.
За разлика од него, Педри продолжи да работи според индивидуална програма.
