Фудбалерот на Јувентус, Матијс де Лихт нема многу време да размислува за иднината во редовите на великанот од Торино, бидејќи неговиот договор истекува летото 2024 година, а неминовно е да иницира нова соработка доколку сепак се гледа и понатаму во дресот на „старата дама“.
Де Лихт за кратко време прерасна во лидер на Јувентус во одбраната, често постигнувајќи голови, како што беше случај и во минатото коло против Калјари, кога го израмни резултатот.
„Газета дело Спорт“ најавува дека крајно време е Де Лихт да го продолжи договорот со Јувентус за клубот потоа да може комотно да заработи повеќе во случај на негово заминување. За Де Лихт се заинтересирани Баерн Минхен, ПСЖ, Барселона и Челси и затоа Јувентус е подготвен да ги слушне понудите.
Тренерот Масимилијано Алегри планира да го награди Де Лихт со капитенската лента следната сезона, кога Џорџо Киелини дефинитивно ќе ја заврши кариерата.
