Најтрофејниот македонски клуб Вардар доведе уште две нови засилувања во пресрет на вториот дел од сезоната. Тоа се голманот Давор Талески од Шкендија и крилниот напаѓач Едиз Спахиу од Вардар.
Искусниот голман Давор Талески е најновото засилување на Вардар. 29-годишниот голман, роден во Прилеп, ја започнал својата професионална кариера токму во својот роден град. Неговиот фудбалски пат го одвел во клубови како Хонка од Финска, АЕ Лариса од Грција, како и во домашните екипи Победа, Металург, Брегалница, Пелистер и Струга.
„Знам што значи да се биде дел од еден ваков голем клуб. Моите очекувања се да се подобриме во оваа полусезона, а во следните години да го вратиме клубот таму каде што му е местото – шампионска титула и успех во Европа“, изјави Талески.
23-годишниот офанзивен играч Едиз Спахиу исто така потпиша за „црвено-црните“.
Спахиу доаѓа од редовите на Тиквеш, каде што во изминатата полусезона постигна четири гола и ја освои титулата во Купот на Македонија.
Покрај настапите за Тиквеш, Спахиу има играно и за екипите на Гостивар и за Шкендија, со што веќе стекна значајно искуство на домашната сцена.
