Англискиот премиерлигаш Челси ќе има нов сопственик. Конзорциумот на Тод Боли и дефинитивно ќе го купи клубот од Роман Абрамович, стигна потврда од „Стемфорд бриџ“.
„Фудбалскиот клуб Челси потврдува дека е склучен конечен и дефинитивен договор за продажба на клубот на конзорциумот Тод Боли/Клерлејк Капитал. Се очекува трансакцијата да биде завршена во понеделник. Клубот дополнително ќе информира за деталите“, се вели во соопштението на Челси.
Целата трансакција мора да се заврши до 1 јуни за Челси да не ја загуби лиценцата за учество во Премиер – лигата.
