Тренерот на Барселона, Чави Хернандез, истакна дека Осман Дембеле е многу важен за каталонскиот клуб и дека се надева дека францускиот крилен напаѓач ќе го продолжи договорот кој истекува на 30 јуни.
Судбината на Дембеле се уште е неизвесна на „Камп Ноу“, но како што се претпоставуваше, Чави сака да го задржи и по крајот на оваа сезона.
„Откако дојдов, Дембеле е пример за сите на тренинзите. Начинот на кој игра и неговата посветеност се доказ дека е среќен“, изјави Чави на прес-конференцијата пред четвртфиналниот натпревар против Ајнтрахт Франкфурт во Лига Европа.
„Тој е играч кој може да направи разлика, може да стане еден од најдобрите во светот на својата позиција и не се плашам да го повторам тоа“, изјави Чави, а со тренерот се согласи и Феран Торес, кој не крие дека Дембеле прави разлика на теренот.
