Реал Мадрид би можел да го отпушти Карло Анчелоти од позицијата главен тренер на крајот на сезоната доколку тимот не успее да освои значаен трофеј, пренесува „Релево“.
Според изворот, доколку „кралевите“ не ја освојат ниту Лигата на шампионите, ниту Ла Лига, тогаш Чаби Алонсо ќе биде поканет да го замени 65-годишниот стратег. Ако сезоната заврши успешно, Анчелоти ќе остане во клубот до истекот на неговиот договор, кој трае до летото 2026 година.
По 19 кола, Реал е лидер во шпанското првенство со 43 бодови. Според резултатите од шесте натпревари од групната фаза на Лигата на шампионите, мадридскиот клуб е на 20. место со девет бода.
