Среде трка за шампионската титула во Италија, Милан е во потрага по засилувања во одбраната за следната сезона. Посебно чувствителна е стоперската позиција, а според италијанските медиуми изборот на „росонерите“ паднал на Свен Ботман.
Милан е многу блиску до договор со францускиот прволигаш Лил околу купувањето на 22-годишниот холандски репрезентативец. Фудбалерот веќе е подготвен да прифати адекватна понуда од клубот од „Сан Сиро“ и се очекува наскоро да биде завршена целата работа.
Дефанзивецот е проценет на 30 милиони евра, колку што бара Лил за да го продаде одличниот стопер.
Во тековната сезона Ботман одигра 28 натпревари во сите натпреварувања, постигна три гола и забележа една асистенција.
