Три дена до стартот на пролетниот дел од првенството во Првата фудбалска лига. Работнички одработи квалитетни подготовки во Анталија, а шефот на стручниот штаб, Борче Христов, вели дека тимот е подготвен за новите предизвици. Зимскиот преоден рок донесе значителни промени во ростерот, па можеби ќе биде потребно уште малку време за тимот да профункционира според тренерските желби.
Сепак, в недела за Работнички претстои многу важен натпревар, гостување во Битола и дуел со Пелистер.
„Одработивме квалитетни подготовки, а во зимскиот преоден рок имаше значителни промени во составот. Верувам дека Работнички е добро подготвен за пролетниот старт, иако ние тренерите секогаш велиме дека е потребно уште малку време за добро воигрување. Но, пролетниот дел од првенството стартува и ќе треба да одговориме на предизвикот. Стартот е секогаш многу значаен, а бодовите им се многу потребни и на Работнички и на Пелистер. Ќе биде тежок натпревар, но очекувам позитивен исход за нас“, вели шефот на стручниот штаб, Борче Христов, за официјалниот сајт на клубот.
Натпреварот меѓу Пелистер и Работнички е закажан за в недела, со почеток во 14 часот, на стадионот „Петар Милошевски“ во Битола.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski