Барселона ја прифати понудата на Манчестер Јунајтед за Френки де Јонг. Преговорите меѓу двата клуба завршија успешно, а „црвените ѓаволи“ се сложни да платат 80 милиони евра за правата на Холанѓанецот, објави каталонскиот „Спорт“. Сега, сепак, Англичаните се желни да добијат конечен одговор и од самиот фудбалер, кој мора брзо да одлучи дали ќе се пресели на „Олд Трафорд“.
Јунајтед прави се за да го убеди 25-годишниот играч од средниот ред да ја прифати нивната понуда.
Новиот менаџер Ерик тен Хаг посакува да се постигне договор. Тој се надева дека Де Јонг ќе биде лидер на новиот проект. Холандскиот стручњак одлично ги познава квалитетите на својот играч од заедничката работа во Ајакс и знае како да го извлече најдоброто од него.
Де Јонг засега сепак не дава категоричен одговор и тоа почнува да ги нервира сопствениците на „Олд Трафорд“. Бараат од фудбалерот побрзо да донесе одлука, со надеж дека тоа ќе се случи следната недела.
Холанѓанецот неодамна навести дека сака да остане во Барселона, но последните информации тврдат дека тој се повеќе размислува да се пресели во Манчестер Јунајтед.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski