Менаџерот на Арсенал, Микел Артета, го коментираше нерешениот резултат од 3-3 на неговиот тим против Саутемптон во натпреварот од 32. коло на Премиер – лигата. Тренерот на „топчиите“ изјави дека неговите играчи самите ја искомпликувале ситуацијата, но и дека направените грешки се сосема нормален дел од играта.
„Секако дека не сме задоволни од резултатот. Повторно ја искомпликувавме ситуацијата во која се наоѓаме, но овие грешки се дел од играта. Сепак, го сакам мојот тим повеќе од кога било поради начинот на кој тие реагираа на она што се случуваше. Создадовме доволно шанси, но не ги реализиравме, што е разочарувачки. Сепак, реакцијата на нашиот млад тим беше неверојатна, убаво беше да се види како создаваме шанси и покажуваме карактер. Можам да кажам дека ги сакам моите играчи. Ние губиме и тие сакаат да победат повеќе од кој било друг“, изјави Артета.
Тоа беше трето последовно реми за „топчиите“ и тие сѐ уште се на врвот во Премиер – лигата, со пет бода повеќе од второпласираниот Манчестер Сити. Сепак, „граѓаните“ имаат два натпревари помалку.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski