Арсенал ја оствари седмата победа во Премиер – лигата оваа сезона откако на домашен терен го совлада Њукасл со 2-0. Клубот кој доби богати сопственици се наоѓа на самото дно, а тимот досега нема ниту една победа во шампионатот.
Бакајо Сака во 56.минута го отвори резултатот на овој натпревар, а само десет минути подоцна нововлезениот Габриел Мартинели го постигна вториот погодок за „топчиите“.
Арсенал сега има 23 бода колку што има и четвртопласираниот Вест Хем, а Њукасл е последен со само шест освоени бода.
