Англија ја запиша својата втора победа во квалификациите за Светското првенство 2026, триумфирајќи со 3-0 против Летонија на „Вембли“. Рис Џејмс со прецизен удар во 38. минута го отвори резултатот, додека Хари Кејн во 68. минута ја удвои предноста. Конечниот резултат го постави Еберечи Езе, кој со својот гол ја потврди доминацијата на „гордиот Албион“.
Во другите натпревари од вечерва, Босна и Херцеговина славеше со 2-1 против Кипар, благодарение на погодоците на Демировиќ и Хајрадиновиќ, додека Јоанис Питас беше стрелец за гостите. Албанија беше убедлива против Андора со победа од 3-0, а Романија го декласираше Сан Марино со 1-5 на гости. Полска ја совлада Малта со 2-0, а дуелот меѓу Литванија и Финска заврши без победник, 2-2.
