Езгјан Алиоски е нов фудбалер на Фенербахче. Воодушевен е дека ќе игра во дресот на најголемиот клуб во Турција и ветува дека ќе даде максимум за тимот да ги оствари своите цели.
Радосен е што ќе игра пред најдобрите навивачи кои прават спектакуларна атмосфера на натпреварите на Фенербахче.
„Среќен сум што конечно потпишав за Фенербахче. Кога слушнав дека Фенербахче е заинтересиран за мене, бев импресиониран. Сега имам среќа да играм за најголемиот турски клуб. Фановите се неверојатни, веднаш ја почувствував поддршката, Фенербахче дефинитивно ги има најдобрите навивачи во Турција. Едвај чекам да заиграм, се надевам дека ќе победуваме и ќе освојуваме трофеи заедно“, изјави Алиоски во првото интервју по потписот за Фенербахче.
