Фудбалската репрезентација на Македонија ги засилува подготовките за двата квалификациски натпревари против Полска и против Австрија, на националната арена „Тодор Проески“. Составот на селекторот Игор Ангеловски полека се комплетира, а денеска на националниот тим му се приклучија и фудбалерите на МОЛ Види, Бобан Николов, и на Палермо, Александар Трајковски.
Најдобрата македонска селекција на 7. и 10. јуни на Националната арена „Тодор Проески“ го продолжува квалификацискиот циклус за пласман на ЕУРО 2020. Фаворитите во нашата група, Полска и Австрија гостуваат на нашиот најголем стадион.
