УЕФА објави дека селекциите кои се пласираа на ЕВРО 2024 ќе можат да повикаат 26 играчи за првенството. Европската фудбалска централа денеска го потврди зголемувањето за уште тројца од претходното правило од 23 играчи.
Учесниците на претстојното Европско првенство треба да ги објават составите до 7 јуни.
Тимовите добија дозвола да повикаат по 26 играчи на ЕП 2020, но тогаш причината беше пандемијата. УЕФА првично планираше да се врати со тимови од 23 играчи. За Светското првенство во Катар беа повикани и проширени состави. Тогаш тоа беше оправдано со фактот дека првенството се одржа на средината на сезоната.
Веста ќе биде добро прифатена од повеќето национални селектори кои ја изразија својата поддршка за промената.
