Напаѓачот на Реал Мадрид, Родриго, би можел да ја продолжи кариерата во Пари Сен Жермен, тврдат француските медиуми. 22-годишниот Бразилец би можел да се покаже како замена за Килијан Мбапе кој следното лето треба да потпише токму за „кралскиот клуб“.
Родриго пристигна на „Сантијаго Бернабеу“ од Сантош во 2019 година. Долго време не успеваше да се наметне како главен играч, но по разделбата со Карим Бензема се почесто е стартер.
Од почетокот на сезоната, бразилскиот интернационалец одигра шест натпревари на кои постигна еден гол.
