Шпанскиот интернационалец Марко Асенсио нема да учествува на неколку од претстојните натпревари на ПСЖ. Тој ќе биде надвор од терените поради повреда најмалку до крајот на септември, информираат француските медиуми.
Асенсио ќе ги пропушти натпреварите од Лига 1 против Ница, Марсеј и Клермон, како и натпреварот од групната фаза од Лигата на шампионите против Борусија Дортмунд на 19 септември.
Шпанецот пристигна на „Паркот на принцовите“ ова лето и веќе запиша три натпревари со два гола и една асистенција за парижаните.
Пред ПСЖ, Марко Асенсио седум години беше дел од Реал Мадрид.
