Познатиот словенечки голман Самир Хандановиќ (39) реши да стави крај на кариерата. Иако сакаше да продолжи да брани на крајот од минатата сезона, кога го напушти Интер, не можеше да најде соодветен ангажман и реши да ја заврши кариерата.
Хандановиќ од почетокот на летото бара нов клуб и бидејќи не можеше да се договори со ниту еден, прифати да се врати во Интер во друга улога.
Таму го чека местото советник на голманите во стручниот штаб на тренерот Симоне Инзаги.
Тој помина 11 години во Интер, каде што се разви во еден од најдобрите голмани во Серија А. За „нероаѕурите“ забележа 455 настапи и освои едно „скудето“ и два Купа на Италија.
Сега го чека нов предизвик со 39 години да му биде од голема помош на Интер во пронаоѓањето на нови голмани, но и да работи со постоечките голмани во тимот.
