Меси ужива во САД, купува во супермаркет како „обичен“ човек

Лео Меси е мегапопуларен насекаде во светот и речиси и да не може да излезе на улица, а да не биде опкружен од стотици фанови. Во Аргентина неговата популарност е рамна на божество, но затоа ужива во првите денови од престојот во САД.

Ѕвездата допатува на Флорида и набрзо треба да биде претставен како нов фудбалер на Интер Мајами, а таму сѐ уште сите не знаат дека е дојден – и не го препознаваат.

Меси отиде во супермаркет како „обичен“ човек и си пазареше, а сите околу него воопшто и не забележаа. Тоа многу ретко можел да го доживее во изминатите речиси две децении.