Шпанскиот репрезентативец Марко Асенсио му се приклучи на францускиот шампион ПСЖ и потпиша договор до 2026 година. Тој доаѓа како слободен агент од Реал Мадрид.
27-годишниот Шпанец за првпат во кариерата ќе игра надвор од границите на својата татковина. Асенсио запиша вкупно 286 натпревари со 61 гол и 32 асистенции за Реал Мадрид, со кој трипати триумфираше во Лигата на шампионите. Има играно и за Мајорка и за Еспањол.
Асенсио има одиграно 37 натпревари со шпанскиот национален тим, на кои постигна два гола и забележа 13 асистенции.
