Адреналинот расте, срцето чука забрзано, иако главите мора да останат ладни. Претстои финалната битка за пласман на Европското првенство против Грузија. Тбилиси е мегданот, да се биде или не….Заедно, сплотени, можеме. Така мисли и напаѓачот на Мајорка, Александар Трајковски.
„Кога играме за националниот тим тогаш сме сите сплотени. Тоа е голема чест и сите се чувствуваат важен дел од мозаикот. Заедно одиме по нашата цел“, истакна Александар Трајковски на социјалните мрежи.
Фудбалската репрезентација на Македонија в четврток од 18 часот во Тбилиси ќе ја има финалната пресметка против Грузија за пласман на ЕП.
