Ако на некого му е најтешко во моментов, тоа е Енис Барди. Има проблеми со дискус хернија, но сигурно многу повеќе срцето го боли што не може да биде во Тбилиси и да им помогне на соиграчите во финалната битка.
Барди на социјалните мрежи им даде поддршка на соиграчите од националниот тим.
„До овде стигнавме затоа што заслуживме, уште еден чекор пред големиот рон на сите нас! Нема да можам да сум на терен со вас, но ќе навивам до крај и ќе ве поддржам, во секоја секунда од натпреварот. Поддржете се еден со друг и ќе ја добиеме уште оваа. Ајде момци, сите сме со вас браќа“, напиша Енис Барди.
Тој се повреди на последниот тренинг пред заминувањето за Тбилиси и има силни болки во ’рбетот.
