Менаџерот на Манчестер Сити, Пеп Гвардиола, застана во одбрана на Ријад Махрез, кој промаши пенал во ремито без голови против Борусија Дортмунд во Лигата на шампионите. Со освоениот бод „граѓаните“ се зацврстија на првото место во групата и се пласираа во осминафиналето, а Гвардиола призна дека неговиот тим премногу често греши од белата точка.
„Се восхитувам на храброста на играчите кои изведуваат пенали. Се разбира, кога некој ќе пропушти да погоди, тешко му е. Ријад сакаше да постигне гол и беше првиот што собра храброст да шутира. На нашето претходно гостување во Дортмунд реализираше пенал и ни помогна да се пласираме во полуфиналето. Не знам дали Махрез ќе продолжи да ги изведува пеналите. Ќе размислува и ќе тренира. Многу играчи промашуваат пенали. Не знам дали тоа ни беше 24 или 25 промашување. Повеќето се во Лигата на шампионите. Тоа е проблем, но верувајте ќе најдеме решение“, изјави Гвардиола.
Норвежанецот Халанд го одигра само првото полувреме и не се истакна против својот поранешен клуб Борусија Дортмунд.
„Халанд имаше треска пред натпреварот, а Кансело доби удар, па ги сменивме на паузата. Доброто е што ја постигнавме целта и сме први во групата. Во вториот дел ја контролиравме играта, но претходно брзината на Борусија многу ни ја отежна работата. Донекаде нашите проблеми дојдоа од заморот од саботниот натпревар. Сепак, резултатот е добар и двата тима се задоволни“, додаде каталонскиот стратег.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski