Македонските репрезентативци Аријан Адеми и Стефан Ристовски синоќа се најдоа во стартниот тим на Динамо Загреб во триумфот од 4-1 против Славен Белупо. Само пет дена по мечот меѓу Македонија и Бугарија (0-1) во Скопје, тие се појавија како стартери за „модрите“.
Ариајн Адеми и капитенот на националниот тим Стефан Ристовски пријавија повреди уште на стартот на собирот и не беа дел од десетдневниот репрезентативен камп за натпреварите против Грузија во Тбилиси и против Бугарија во Скопје.
Адеми се жалеше на повреда на грбот, додека Ристовски имаше болки во тетивата на ногата.
