Куп-финалето меѓу Академија Пандев и Македонија ЃП имаше инфаркт-завршница, во која на крајот сепак на трофејот се радуваа струмичани. Тренерот Југослав Тренчовски не го криеше воодушевувањето од испишаната историја со својот клуб.
„Ова е голем ден за Академија Пандев, првпат во историјата го освоивме трофејот во Купот на Македонија. Честитки за фудбалерите, одигравме квалитетно финале, покажавме карактер и голема желба за триумф. Се играше отворен фудбал, беа постигнати четири гола, а пеналите се лотарија, имавме подобра концентрација и се разбира, среќа. На најдобар начин ја заокруживме оваа сезона“, изјави тренерот на Академија Пандев, Југослав Тренчовски.
