Португалскиот ас Кристијано Роналдо ги започнал подготовките за венчавка со својата долгогодишна партнерка Георгина, објавија медиумите во Шпанија. Според „ОК Диарио“, двојката планира луксузна венчавка, но деталите засега не се објавуваат. Во секој случај, тоа ќе биде „свадбата на векот“, со оглед на популарноста на португалската мегаѕвезда.
„Кристијано најде совршена животна партнерка во Георгина и ја побарал нејзината рака. Сепак, двајцата се уште не го откриле датумот на церемонијата“, открива „Ок Диарио“.
Роналдо на крајот на февруари ги навести своите сериозни намери за саканата. Во документарецот на Нетфликс за Георгина, тој рече дека е 100% сигурен дека ќе се ожени со шпанската убавица.
