Италијанскиот шампион Интер со месеци работи на продолжување на договорот со хрватскиот интернационалец Иван Перишиќ, но се уште не е постигнат договор. Раководството на клубот полека се врти и кон други опции, а Џузепе Марота ќе се обиде Федерико Бернардески од Јувентус.
Како што пренесува „Кориере дело спорт“, Перишиќ се уште е далеку од обнова на соработката која истекува на 30 јуни, а на Хрватот ќе му биде понуден нов едногодишен договор со можност за обновување на крајот на следната сезона.
И покрај тоа што е во четвртата деценија од животот, Перишиќ е практично незаменлив дел од Интер, но клубот како алтернатива веќе ги почна преговорите и со Бернардески, кој на крајот од сезоната сигурно ќе си замине од Јувентус.
