Погледите во Англија веќе се насочени кон големото дерби в недела, кое може да биде решавачко во трката за титулата. Манчестер Сити ќе го пречека Ливерпул на „Итихад“ во пресметка за врвот. Само еден бод ги дели двете екипи кои одржуваат неверојатно темпо оваа сезона во сите натпреварувања.
Играчот за врска на „граѓаните“, Илкај Гундоган, предупредува дека Ливерпул е одличен тим кој е подготвен да ја казни секоја грешка на противникот.
„Ливерпул е меѓу најдобрите тимови во светот. Тие се во неверојатна форма и свесни сме дека не очекува тежок натпревар“, истакна германскиот репрезентативец. „Тоа ќе биде натпревар на високо ниво и не смееме да грешиме. Тие се многу ефикасни при контранапади. Ние сме тим кој сака да игра со топката. Ако погрешиме, можат да не казнат. Мора да бидеме внимателни“, додаде Гундоган.
