Легендарниот англиски стопер Рио Фердинанд беше одушевен од Карим Бензема и синоќешното магично шоу на „Стемфорд Бриџ“. Бензема постигна три гола и го предводеше Реал Мадрид до победа од 3-1 над Челси.
Фердинанд во анализата на натпреварот истакна дека веќе треба да почнат да го гравираат името на Карим Бензема на „Златната топка“.
„Веќе треба да почнеме да го гравираме името на Карим Бензема на „Златната топка“. Нејзиниот следен победник е завршена приказна, бидејќи само еден може да ја преземе. Токму неуморниот стрелец Карим Бензема ги направи чекорите на Реал Мадрид до титулата и до полуфиналето во Лигата на шампионите. Реал лета на крилјата на Бензема“, изјави Фердинанд.
Бензема оваа сезона на 36 натпревари постигна 37 гола и и забележа 13 асистенции. Со хет-трикот против Челси дојде до 11 гола на осум натпревари во Лигата на шампионите.
